მ. წერეთლის ნაშრომი „ერი და კაცობრიობა“ 1910 წელს გამოვიდა. მასში შევიდა ავტორის ნააზრევი ერის პრობლემებზე, რომელსაც ის წერილების სახით აქვეყნებდა რამდენიმე წლის განმავლობაში. ნაშრომი მრავალ საინტერესო და არაორდინარულ მოსაზრებას შეიცავს და, შეიძლება ითქვას, პირველი მონოგრაფიაა ქართული სოციოლოგიის ისტორიაში. ერის საკითხებზე მ. წერეთლის ნააზრევი დღესაც ისევე საინტერესოა, როგორც ამ რვა ათეული წლის წინ. ნაშრომი იბეჭდება შეუცვლელად როგორც შინაარსობრივი, ისე ენობრივი თვალსაზრისით. წიგნში დანართის სახით იბეჭდება მიხაკო წერეთლის პუბლიცისტური და ეპისტოლარული ხასიათის მასალა, აგრეთვე მოგონებები მის შესახებ. გათვალისწინებულია ფილოსოფოსების, სოციოლოგების, ისტორიკოსების და, ზოგადად, დაინტერესებული მკითხველისათვის.