ეს წიგნი ისტორიული რომანია, რომელშიც ავტორის თვალთახედვით საინტერესოდაა ასახული ალექსანდრე მაკედონელის გარდაცვალების შემდგომი ეპოქის წარმართი ქართლი, ჩვენს წელთაღრიცხვამდე III საუკუნის მცხეთის ოკუპაცია, მაკედონელთა ექსპანსიები, არმაზისხევის გაძლიერებულ ხელისუფალთა პოლიტიკური მეთაურის — მცხეთის მამასახლისის ცხოვრება, ფარნავაზის დაბადება, ყრმობა, სიჭაბუკე, სიყვარული, განძის პოვნა. რომანში ასახულია ხანგრძლივი სისხლისმღვრელი ბრძოლები, აზონის სიკვდილი, იბერიის (ქართლი), კოლხეთის (ეგრისი) და არიან-ქართლის (ოძრხე) შეერთება-კონსოლიდაციის ფონზე ქართლის სამეფოს შექმნის პროცესი და ფარნავაზის მიერ ქართული ასომთავრული ანბანის გამოცხადება.