Description

აღნიშნულ ხელნაწერები შემდეგი სათაურის ქვეშ გავავრთიანეთ – „ფილოსოფია (ლექციები, ტრაქტატები)“ – რადგან მისი ძირითადი ნაწილი სწორედ ფილოსოფიის სალექციო კურსის მოკლე სამუშაო მონახაზი გახლავთ. მკითხველი შენიშნავს, რომ ტექსტი არა გამოსაქვეყნებლად, არამედ სწორედ ლექციებისათვისაა განკუთვნილი, რომელთა მსვლელობაშიც ბევრი რამ, რაც ტექსტში მხოლოდ მოკლედაა მონიშნული, გაშლილად უნდა ყოფილიყო განმარტებული. თუმცა კითხვისას ასევე იმთავითვე ვრწმუნდებით, დღესაც რაოდენ მნიშვნელოვანი და მრავლისმომცემია ეს ტექსტი როგორც ფილოსოფიის მკვლევრებისა და პედაგოგებისათვის, ისე საკითხით დაინტერესებული რიგითი მკითხველისთვისაც.