Описание

ხომალდები დიდ საიდუმლოებებს მალავენ, მით უმეტეს, თუ ისინი ვიღაცამ ხმელეთზე ამოათრია და ათასნაირი საქმისთვის იყენებს. აუცილებლად დადგება დრო, როცა ამ საიდუმლოებებს ვინმე ხმელეთის ხომალდზეც მოაკითხავს და, სწორედ აქედან დაიწყება მთავარი თავგადასავალი. რა აკავშირებს ერთმანეთთან დეა-დედოფლის ბროლის სასახლის იდუმალ ამბებს და ბათუს? როგორ უნდა გადალახოს მან წყალქვეშა ლაბირინთები, ოქროს ხმლის მოსაპოვებლად? ამ ყველაფერს თავისი პასუხებიც აქვს, სველ და თავბრუდამხვევ ამბებთან ერთად. გაჰყევით ბათუს, თაიას და მათ ახალ მეგობრებს, იმოგზაურეთ და ერთად გაუმკლავდით ხიფათებს. ვინ იცის, იქნებ თქვენ უფრო ყოჩაღად და მოხერხებულად მოქცეულიყავით, თუკი ოდესმე თქვენც მიიღებდით წერილს დაკარგული ქალაქიდან, ამ წერილის ბოლოში კი თქვენთვის ყველაზე ძვირფასი ადამიანის ერთი წვეთი ცრემლი იქნებოდა წერტილის ნაცვლად დაწვეთებული?..