წიგნში განხილულია იოანე დამასკელის „გარდამოცემის“ ეფრემ მცირისა და არსენ იყალთოელისეული თარგმანები. ქართული ვერსიები აქამდე არ ყოფილა სპეციალური შესწავლის საგანი. ავტორი ეფრემისა და არსენის ნაშრომთა ურთიერთშედარებისა და ბერძნულ დედანთან შეჯერების საფუძველზე ავლენს ქართული რედაქციების მნიშვნელობას იოანე დამასკელის თხზულების ისტორიულ-ლიტერატურული საკითხების გასარკვევად. ქართულ მწერლობას შემოუნახავს „გარდამოცემის“ აქამდე უცნობი რედაქცია, რომელიც თითქმის საუკუნით უსწრებს ამ თხზულების ლათინურ თარგმანს. წიგნში განხილულია ბერძნულ დედანთან და ქართულ თარგმანებთან დაკავშირებული სხვა ისტორიულ-ფილოლოგიური საკითხებიც.

რედაქტორი სიმონ ყაუხჩიშვილი, 1966