Description

ირენა სენდლერი ჰიტლერული ოკუპაციის ჟამს ებრაელთა გადასარჩენად თავდაუზოგავად იღვწოდა. მას თავისი დიდი ენერგია ეხმარებოდა გეტოდან ებრაელი ბავშვების გამოყვანასა და შემდგომ მათ გადამალვაში, რაც გადარჩენის შანსს იძლეოდა. ირენა სენდლერმა კარგად იცოდა, რომ საქმე ეხებოდა ყოფნა-არყოფნას ისეთი ბავშვებისა, რომელთა ერთადერთი დანაშაული ის იყო, რომ მათ ძარღვებში „არაარიული სისხლი“ ჩქეფდა. უჩვეულო ენერგიასა და საზრიანობასთან ერთად, ირენა სენდლერმა გასაოცარი ორგანიზაციული ნიჭიც გამოავლინა. ანა მეშკოვსკა ამ წიგნში პატივს მიაგებს ირენა სენდლერს და მის თანამოაზრეებს – შესანიშნავ და თავდადებულ ქალებს.