ისე გამოვიდა, რომ სიტყვა „ტანტე“, რაც გერმანულ ენაზე დეიდას ან აღმზრდელს ნიშნავს, * საქართველოში იმათთვისაც კი შეიძლება მრავლისმთქმელი იყოს, ვისაც გერმანული არ უსწავლია და არც გერმანულ ბაღში სიარულის პრივილეგია ჰქონია. მართალია, სხვა ენებში ფეხმოკიდებული საბავშო ბაღის აღმნიშვნელი გერმანული სიტყვა „კინდერგარტენ“ ისე ვერ დამკვიდრდა ქართულში, როგორც რუსულიდან შემოღწეული „ბუტერბროდი“ და თუნდაც „რიუკზაკი“, მაგრამ უეჭველია, რომ გერმანული ენის სწავლების ტრადიციამ ღრმა და ჯერჯერობით წარუშლელი ანაბეჭდი დატოვა საქართველოში.

იმ ორმაგი დარტყმის მიუხედავად, რაც გერმანული ენის მატარებლებმა მთლიანად საბჭოთა კავშირის მასშტაბით და შესაბამისად, საქართველოს სსრ-შიც განიცადეს, ტანტეების დამსახურებაც უნდა იყოს, რომ 2000-იან წლებამდე ინგლისურ ენასთან ერთად გერმანული ყველაზე გავრცელებულ უცხო ენად ითვლებოდა საქართველოში.

მეხსიერებაც გერმანელების შესახებ დღემდე ქალებისა და მათი შთამომავლების მოტანილია.

ნინო ლეჟავა