აღწერა

რა რჩებათ სათქმელი მოხუცებულ მწერალსა და მის მუზას? სიყვარული მხოლოდ წიგნის ფურცლებზეა მარადიული თუ ცხოვრებაშიც? როგორია უარყოფილი სიყვარულის გამოძახილი, დარჩა თუ არა რაიმე გრძნობისგან, რომელმაც გოეთეს "ახალგაზრდა ვერთერის ვნებანი" დააწერინა? რას შეიძლება გრძნობდეს უკვე ასაკში შესული, ქვრივი ქალი, რომელიც მწერლის უდიდესი სიყვარულის ობიექტი იყო და მარადიულობა მის რომანში მოიპოვა? არავინ იცის, სინამდვილეში შეხვდნენ თუ არა ლოტე და გოეთე ერთმანეთს მათი სიცოცხლის დაისის დროს, თუმცა, ლიტერატურა ხომ სწორედ დაუმტკიცებელი ფაქტების, წარმოსახვების და, რაც მთავარია, დიდი სიყვარულის ხელოვნებაა... თომას მანის "ლოტე ვაიმარში" კიდევ ერთი ლიტერატურული მოგზაურობაა ცნობილი ავტორისა და მისი მუზის ცხოვრების ერთი შეხედვით ჩვეულებრივ მონაკვეთში....