რატომ გადაწყვიტა XX საუკუნის გარიჟრაჟზე 20 წლის არისტოკრატიული წარმოშობის, თავისუფლების მოყვარულმა ქალიშვილმა მიეღო ისლამი? მან დაარღვია თავისი ეპოქის ევროპული საზოგადოების წესები, არაბი მამაკაცის სამოსითა და მაჰმუდ საადის სახელით საჰარაში მოგზაურობდა აბსოლუტის ძიებაში... იზაბელ ებერარდს წერა და ბრძოლა სურდა. მას უნდოდა, ყველაფერი განეცადა და გაეგო, ორი პარალელური რომანივით ვითარდებოდა მისი თხზულებები და ცხოვრება. მან თავისი შემოქმედებისგან შექმნა ბრძოლა, საკუთარი ცხოვრებისგან კი – შედევრი.