მეოცე საუკუნის 80-იან წლებში დაწერილი ტრილოგიის ნაწილები – “შუშის ქალაქი”, “აჩრდილები”, “დაკეტილი ოთახი” – ერთი შეხედვით, დამოუკიდებელი რომანებია, მაგრამ სიუჟეტური პარალელები, კარგად ნაცნობი ლიტერატურული სახეებისა და სახლების, პერსონაჟების გამეორება და შეშლილობამდე მისული მთავარი გმირების მსგავსი დასასრული ქმნის ახალ, ერთიან სამყაროს, რომლის პირობითი ცენტრი წარსულის აჩრდილებით სავსე ნიუ-იორკია, სივრცითი და დროითი საზღვარი კი – დარღვეული. პოლ ოსტერის ნიუ-იორკი არარეალური, მეტაფიზიკური ქალაქია…