Description

წინამდებარე გამოცემა მომზადდა პროექტის „დიალექტური კუნძული ტრანსეთნიკურ არეალში ინგილოური დიალექტი აზერბაიჯანში“ სამუშაო გეგმის ფარგლებში. ნაშრომი მოიცავს წარმოშობით ინგილო ენათმეცნიერის, ჰასრათ ჰასრათოვის მიერ წლების განმავლობაში მოგროვებულ ლექსიკურ მასალას. ჰასრათ ჰასრათოვი მთელი თავისი სამეცნიერო ცხოვრების განმავლობაში ინგილოური დიალექტის ლექსიკის საკითხებს (ძირითადად, ონომასტიკის) იკვლევს და სწავლობს. ნაშრომს ერთვის ინგილოური ლექსიკის თავისებურებათა შესახებ კვლევითი ნაწილი (უნდა ითქვას, რომ, ფაქტობრივად, ეს არის ალიაბადური კილოკავის ლექსიკის თავისებურებათა მიმოხილვის ცდა), რომელშიც დიალექტებთან და ძველ ქართულ ენასთან ალიაბადურის მიმართებაზე ამახვილებს ყურადღებას ავტორი.