ამ წიგნში პლეხანოვზე, გოსკინპრომის ბირჟაზე ჩამომდგარი ბიჭების ამბებია მოთხრობილი... გასული საუკუნის 60-70-იანების თაობის "გზასაცდენილი“ ბიჭების ამბები, რომლებმაც „არასაბჭოურ“ და კიდევ სხვა, საეჭვო" მიდრეკილებათა გამო ვერ აუწყვეს ფეხი „სახრესამშობლოს“ წესრიგს, რისთვისაც მწარედაც დაისაჯნენ... მათგან ცოტა თუ გადაურჩა სახრეს... მაშინდელ ელიტურ უბნებში, დასახლებებშიც გავივლით, თბილისურ ბარაკებში, ბინებში, ინსტიტუტებში შევიხედავთ... გავიგებთ, რით სუნთქავდა, რა ინტერესები ჰქონდა მაშინდელ, მართლაც რომ ჭრელ საზოგადოებას, ახალგაზრდობას.. როგორები იყვნენ იმ დროის ცნობილი და არაცნობილი ადამიანები... და საერთოდ, როგორ ახერხებდნენ წონასწორობის შენარჩუნებას იმ „თავდაყირა“ ქვეყნის მკვიდრი ჩვენი მამები და ბაბუები...