„გიორგი ათონელი“ პირველი რომანია ჰეპტალოგიისა, რომლის საერთო სახელწოდებაა „შვიდი გიორგი“. ისტორიული რომანების ამ სერიაში, გიორგი ათონელის გარდა, ნაგულისხმევია: გიორგი ჭყონდიდელი, გიორგი მესამე, გიორგი ლაშა, გიორგი ბრწყინვალე, გიორგი სააკაძე და გიორგი მეთერთმეტე.

წინამდებარე წიგნი მოგვითხრობს დიდი ქართველი სწავლულისა და განმანათლებლის, გიორგი მთაწმინდელ-ათონელის ცხოვრებას და მოღვაწეობას. მთავარ გმირთან ერთად ნაჩვენებია მისი დროის (XI ს.) საქართველოს ისტორიული პანორამა - შინაფეოდალური აშლილობანი და საერთაშორისო ურთიერთობანი, სოციალურ-საზოგადოებრივი მეტამორფოზები და სულიერ-ზნეობრივი კონტრასტები.