სახელმძღვანელო მოიცავს სტომატოლოგიურ დაავადებათა პროფილაქტიკის აქტუალურ საკითხებს. მასში ფართოდ არის გაშუქებული ბავშვის განვითარების ანატომიურ-ფიზიოლოგიური თავისებურებანი, ყბა–კბილთა სისტემის შენებისა და ეტაპობრივი განვითარების მონაცემები, სტომატოლოგიურ კლინიკაში ბავშვის გამოკვლევის მეთოდები, ორგანიზმის ზოგადი და სტომატოლოგიური დაავადებების ურთიერთკავშირი. სახელმძღვანელოში დეტალურად არის აღწერილი ძირითად სტომატოლოგიურ დაავადებათა წარმოშობისა და განვითარების მაპროვოცირებელი რისკ-ფაქტორები, ამ ფაქტორთა თავიდან აცილების ან მათი გავლენის შესუსტების თანამედროვე საშუალებები და მეთოდები. მასში განხილულია ორთოდონტიისა და ბავშვთა პროთეზირების საკითხები, ბავშვის ორგანიზმის ზოგადი და ადგილობრივი დარღვევების როლი ყბა-სახის მიდამოს ანომალიების პათოგენეზში.

სახელმძღვანელო შედგენილია სასწავლო პროგრამის მიხედვით და განსაზღვრულია სტომატოლოგიური ფაკულტეტის სტუდენტებისა და ექიმი-სტომატოლოგებისთვის.