„ცემენტის ბაღი“ თანამედროვე ბრიტანელი კლასიკოსის, ბუკერის პრემიის ლაურეატ იენ მაკიუენის პირველი რომანია. მშობლების გარდაცვალება დაობლებულ და-ძმებს „დიდობანას“ თამაშს აწყებინებს. ნელ-ნელა შეუძლებელი ხდება ამ თამაშიდან თავის დაღწევა. როგორ უნდა გაუმკლავდნენ უეცრად თავს დატეხილ „თავისუფლებას“ ბავშვები, მაშინ როცა ყველაფერი უმნიშვნელო მათთვის ჯადოსნური და მისტიკური, მართლაც უჩვეულო კი გულუბრყვილო თამაშის ნაწილია. რა იმალება გარე სამყაროსგან მოწყვეტილი პირქუში სახლის კედლებს მიღმა, ერთი ჩვეულებრივი ისტორია, ყველას რომ გადახდენია თავს, თუ ისეთი თავზარდამცემი და შემაძრწუნებელი ამბავი, ჟურნალ-გაზეთების პირველ გვერდებს რომ ააჭრელებდა?