ახალგაზრდა ლატვიელი მწერალი ალბერტ ბელი ლიტერატურულ ასპარეზზე ამ ათიოდე წლის წინათ გამოვიდა. იგი რამდენიმე წიგნის ავტორია. მწერლის შემოქმედების ძირითადი თემაა პიროვნება და მისი დამოკიდებულება საზოგადოებასთან. ავტორს განსაკუთრებული პოპულარობა მოუპოვა რომანმა „გალიამ“.
ნაწარმოების მთავარი მოქმედი პირები ე. წ. „საშუალო ინტელიგენციის“ წარმომადგენლები არიან. ავტორი მათი ცხოვრების განზოგადებით დამაჯერებლად გვიხატავს საზოგადოების ამ ფენის მიზანდასახულობასა და მისწრაფებებს.