ცნობილი ქართველი განმანათლებელ-ენციკლოპედისტის, მწერლისა და მეცნიერის იოანე ბაგრატიონის (1768—1830 წწ.) მრავალრიცხოვან შრომებს შორის ერთ-ერთი მნიშვნელოვანი ადგილი უკავია საბუნებისმეტყველო განმარტებით ლექსიკონს. ავტორმა ლექსიკონის შედგენა დაამთავრა 1814 წ. სანკტ-პეტერბურგში. ის შეიცავს სამი ათასზე მეტ ზოოლოგიურ, ბოტანიკური და გეოლოგიურ ტერმინს. სალექსიკონო ერთეული მოცემულია რუსულ ენაზე. იქვე მითითებულია მისი ლათინური, ქართული და თურქული (ქართული ტრანსკრიფციით) შესატყვისები. ტერმინების ვრცელი განმარტება კი მოცემულია ქართულად. წიგნში მრავლადაა ცნობები სახალხო მედიცინიდან. ლექსიკონი საკმაოდ ზუსტ განმარტებას იძლევა XVIII—XIX სს. მიჯნაზე ბიოლოგიური და გეოლოგიური მეცნიერების განვითარებაზე. მაგრამ მისი გამოყენება დღესაც წარმატებით შეიძლება, რადგან ჯერჯერობით მსგავსი ლექსიკონი ქართულ ენაზე არ გაგვაჩნია.