გრაფი ფილიპ დორმერ სტენჰოპი, ინგლისის ლორდთა და თემთა პალატის წევრი, დიდი პოლიტიკური მოღვაწე იყო. სიცოცხლეში მას იცნობდნენ როგორც გამოჩენილ დიპლომატს, ორატორს. ბოლოს მან პოლიტიკურ მოღვაწეობას თავი მიანება, ოცდახუთი წელი თავის მდიდარ ბიბლიოთეკაში გაატარა. მასთან ხშირად იკრიბებოდნენ მეგობრები. გრაფს არასოდეს უფიქრია მწერალი გამხდარიყო, მაგრამ გარდაცვალებიდან ერთი წლის შემდეგ მწერალი-მორალისტი ჩესტერფილდის სახელი საქვეყნოდ გახდა ცნობილი. რძალმა იუჯინი სტენჰოპმა გამოსცა მისი დიდაქტიკური და ფილოსოფიურად ბრწყინვალედ გააზრებული წერილები.

წიგნი ერთი წლის მანძილზე რამდენჯერმე გამოვიდა. ითარგმნა ევროპის თითქმის ყველა ენაზე. იგი იქცა ინგლისის ეპისტოლარული პროზის კლასიკურ ნიმუშად.