„აგვისტოს ნათელი“ ამერიკული ლიტერატურის ერთ-ერთი შედევრია. უილიამ ფოლკნერს ბევრჯერ აღუნიშნავს, რომ საკუთარი შემოქმედების უმთავრეს თემად თავისივე თავთან, თანამოძმესთან, დროსთან და გარემომცველ სინამდვილესთან დაპირისპირებული ადამიანის ბედი მიაჩნდა. ეს ფატალური დაპირისპირება დაედო საფუძვლად „აგვისტოს ნათელსაც“. რომანის ყველა პერსონაჟი ადამიანის სულის დამამახინჯებელი ცრურწმენის, სიბრიყვის, ფანატიზმის, სისასტიკისა და შეუწყნარებლობის მსხვერპლი ხდება.