აღწერა

უნიკალური, უმაღლესი პოლიგრაფიით გამოცემული ალბომის მიზანია საქართველოს მუზეუმების წარმოჩენა, ადგილობრივ მკვიდრთათვის – შეხსენება, სტუმართათვის მუზეუმებში არსებული უნიკალური მასალების შესახებ საწყისი ინფორმაციის მიწოდება-პოპულარიზაცია. საქართველოს თანამედროვე სამუზეუმო კულტურა 160 წელზე მეტს ითვლის. ქვეყანაში არსებული მუზეუმების რაოდენობა 100-ზე ბევრად მეტია, ხოლო ექსპოზიციებსა და ფონდებში დაცული ისტორიის, ხელოვნებისა და მატერიალური კულტურის ამსახველი მასალების რაოდენობა რამდენიმე მილიონს აღემატება. საქართველოს ყველა მუზეუმის მხოლოდ ძირითად ექსპონატთა სრულად წარმოჩენას მრავალი ტომი დასჭირდებოდა. გამოცემის ფორმატის გათვალისწინებით კი საქართველოს მხოლოდ 100 მუზეუმი შეირჩა.